Embedded Files
Tekjur jukust um tæp 22%
Tekjur jukust um tæp 22%
Afgangur af rekstri og 100 milljón króna múrinn rofinn
Afgangur af rekstri og 100 milljón króna múrinn rofinn
Um 3,5 milljóna króna afgangur var af rekstri golfklúbbsins 2025, að teknu tilliti til afskrifta og fjármagnsliða. Án þeirra var rekstrarafkoman jákvæð sem nemur um 8 milljónum króna. Heildartekjur voru 104,7 milljónir króna og jukust þær um tæp 22% milli ára.
Heimsóknum fjölgaði um tæplega helming
Heimsóknum fjölgaði um tæplega helming
Metfjöldi hringja var leikinn árið 2025. Árlegum heimsóknum á Þorláksvöll, eða leiknum hringjum, fjölgaði um 47% milli ára. Einn hring á dag, allt árið, vantaði til að ná 50% aukningu. Leiknir hringir 2025 voru 25% fleiri en 2021, sem var gamla metárið.
Niðurstöður viðhorfskönnunar
Niðurstöður viðhorfskönnunar
93,4% segjast ánægðir
93,4% segjast ánægðir
Gerð var viðhorfskönnun meðal félaga GÞ í janúar 2026, til að gefa meðlimum færi á að tjá sig um starfið, ekki síst hvað megi betur fara og hvaða verkefni þeir telja brýnast að ráðast í framundan.
93,4% aðspurðra um viðhorf sitt til klúbbsins í heild sögðust ýmist mjög ánægðir eða frekar ánægðir.
Íþróttafélagið
Íþróttafélagið
Fyrsta kvennalið sem GÞ sendir
Fyrsta kvennalið sem GÞ sendir
Send voru lið á Íslandsmót golfklúbba í meistaraflokki karla og kvenna, en þetta var í fyrsta sinn sem GÞ sendir kvennalið.
Rúmlega fjörutíu ungmenni við æfingar
Rúmlega fjörutíu ungmenni við æfingar
Rúmlega fjörutíu iðkendur úr 2. til 10. bekk tóku þátt í skipulögðum æfingum í sumar.
Metfjöldi á meistaramóti
Metfjöldi á meistaramóti
Metþátttaka var í meistaramótinu og tvö GSÍ-mót voru haldin. Þar á meðal var Íslandsmót unglinga.
Kvennastarf
Kvennastarf
Á fimmta tug tók þátt í vikulegu kvennagolfi á miðvikudögum og lítur kvennanefnd björtum augum til framtíðar.
Völlurinn
Völlurinn
Á velli var áhersla lögð á aukna áburðargjöf á brautum og endurnýjun tækjakosts með róbotavæðingu sláttar. Innleiddur var heill floti af Husqvarna-slátturóbotum frá MHG-verslun. Gerð hafa verið fyrstu drög að verkefnalista vallarsvæðis og er hann birtur hér til samráðs.
Samstarfs- og styrktaraðilar
Samstarfs- og styrktaraðilar
Golfklúbbur Þorlákshafnar nýtur fulltingis margra aðila og er þar stuðningur Sveitarfélagsins Ölfuss í algerum sérflokki.
Framlög þess gegna lykilhlutverki í áframhaldandi uppbyggingu golfíþróttarinnar á svæðinu, vallarins og klúbbsins.
Unnið var formlega með allnokkrum fyrirtækjum á árinu, en auk þeirra sýndu fjölmörg fyrirtæki klúbbnum velvilja með sérstaklega góðum kjörum og þjónustu. Við erum öllum þessum aðilum þakklát.
Fólkið bak við klúbbinn
Fólkið bak við klúbbinn
Sextán manns unnu launað starf á árinu, auk fjölmargra sjálfboðaliða.
Tillaga að gjaldskrá 2026
Tillaga að gjaldskrá 2026
Árgjald áfram lágt og fríðindi aukin
Árgjald áfram lágt og fríðindi aukin
Árgjöld hækka aðeins lítillega í takt við verðlagsbreytingar, samkvæmt tillögu stjórnar að gjaldskrá 2026. Árgjald í GÞ verður áfram með því lægsta sem gerist og endurspeglar áherslu á að golfíþróttin verði áfram aðgengileg sem flestum.
Lögð verður aukin áhersla á ýmis fríðindi með fullri aðild. Má þar nefna lengri bókunarfyrirvara rástíma og sérkjör í samstarfi við fyrirtæki.
Page updated
Google Sites
Report abuse